Sat. Apr 4th, 2020

Demokracia

Fjala e lirë e shtypit

Reagon SHBA per situaten politike ne Shqiperi

3 min read

Pak momente më parë, presidenti Ilir Metadekretoi 13 tetorin si datën e rë për zgjedhjet lokale. Menjëherë pas dekretit të Metës ka ardhur edhe një reagim nga Amerika.

Kreu i Komitetit për Çështjet e Jashtme të Dhomës së Përfaqësuesëve të SHBA-ve, Eliot Engel, ka komentuar krizën e thëllë që po kalon vendi ynë.

Sipas tij Shqipëria pas komunizmit ka bërë hapa të mëdhenj drejt demokracisë, por Engel është i shqetësuar për bllokimin politik.

Ai u ka bërë thirrje palëve që të ndalojnë aktet e dhunës dhe të ulen në dialog. Më tej kongresmeni amerikan tha, se krizat e përsërituar, minojnë rrugën përpara.

Engel është një nga kongresmenët, i cili ka punuar për Shqipërinë dhe Kosovën për 30 vjet me radhë. Shumë rezoluta për Kosovën, janë miratuar në kongresin amerikan me propozimin e tij.

Reagimi:

Shqipëria ka bërë hapa të mëdhenj që prej viteve të saj nën diktaturën e Hoxhës dhe populli shqiptar ka investuar shumë për të parë rrënjët e demokracisë së tyre. Marrëdhënia e fortë dhe e ngrohtë e SHBA-Shqipëri ka ndihmuar në nxitjen e këtyre zhvillimeve. Prandaj, unë jam shumë i shqetësuar nga ajo që dëshmoj në ditët dhe javët e fundit, pasi udhëheqësit politikë shqiptarë duket se kanë arritur një bllokim politik. Në një përpjekje për të zvogëluar tensionet dhe për t’u larguar nga konfrontimet, u bëj thirrje të gjitha palëve të ushtrojnë kufizimet më të mëdha dhe të ndalojnë të gjitha aktet e dhunës. Kjo mosmarrëveshje mund të zgjidhet vetëm me dialog dhe sipas sundimit të ligjit. Shqipëria është anëtare e NATO-s dhe meriton një të ardhme evropiane, por krizat e përsëritura rreth zgjedhjeve minojnë rrugën përpara. Unë i bëj thirrje popullit shqiptar të rifitojë veten për një angazhim politik paqësor dhe për një proces zgjedhor të denjë për një anëtar të familjes demokratike të Atlantikut të Veriut dhe kombeve demokratike”, thuhet në reagimin e Eliot. Kongresmeni Eliot Engel, ka qenë një ndër miqtë më aktivë të shqiptarëve, në ditët më të vështira për Kosovën dhe Shqipërinë. Për 30 vjet me radhë, ka punuar në anën e saj dhe të Shqipërisë, gjë të cilën e bën edhe sot. Sot nuk mund të gjesh ndonjë shqiptar të mirëfilltë që nuk e adhuron emrin e tij për mbështetjen e vazhdueshme që i dha Kosovës për kaq vjet si kongresist. Kujtojmë se me propozimin e tij, shumë rezoluta për Kosovën janë miratuar në Kongresin amerikan.

Leave a Reply

This site uses Akismet to reduce spam. Learn how your comment data is processed.

Copyright © Demokracia.co, 2019. Newsphere by AF themes.