Mon. Aug 19th, 2019

Demokracia

Fjala e lirë e shtypit

Tradhëtoi Bashën për tu bërë deputet dekriminalizimi mund ti djeg madatin kandidatit …

2 min read

Selami Jenisheri, njëri nga kandidatët në listat e PD-së në qarkun e Shkodrës, që mori mandatin e deputetit këtë të enjte, duke u betuar në parlament si deputeti i ri, rezulton se ka qenë i dënuar me burg.

Kryetari i partisë së Pensionistëve të Shqipërisë, në vitin 2001, ka qenë i dënuar me 8 muaj burg për akuzën e “Mashtrimit”

Megjithëse kaloi pak kohë, derisa të merrte mandatin e deputetit ai e kishte paralajmëruar. Jenisheri kërkonte nga kryetari i partisë demokratike, Lulzim Basha që t”i rikonstruktonte godinën e partisë së tij, pasi në rast të kundër do të pranonte të merrte mandatin.

News24 ka zbuluar se Selami Jenisheri rrezikon ta humbë sërish mandatin pasi ka gënjyer në deklarimet e bëra në formularin e dekriminalizimit. Ai është dënuar me 8 muaj burg nga gjykata e Shkodrës në vitin 2001 për akuzën e mashtrim, vendim të cilin e ka apeluar në gjykatën e lartë dhe kjo e fundit ka lënë në fuqi dënimin.

Pra megjithëse ka një vendim të formës së prerë, në formularin e dekriminalizimit, Jenisheri thotë se nuk ka qenë në asnjë rast i dënuar si brenda dhe jashtë Shqipërisë.

Tashmë topi i kalon seksionit të dekriminalizimit në prokurorinë e përgjithshme dhe më pas komisionit qendror të zgjedhjeve. Kreu i partisë së pensionistëve shqiptarë,

Selami Jenisheri me shumë mundësi do të jetë deputeti që qëndroi më pak në sallën e parlamentit.

Leave a Reply

This site uses Akismet to reduce spam. Learn how your comment data is processed.

Copyright © Demokracia.co, 2019. Newsphere by AF themes.