Thu. Oct 17th, 2019

Demokracia

Fjala e lirë e shtypit

Noka me ultimatume të forta nga shkodra për 25 Majin

3 min read

Partia Demokratike ka mbledhur kryesinë në Shkodër për organizmin e protestës së 25-majit në Tiranë.

I deleguari i PD në qarkun e Shkodrës, Flamur Noka tha se kjo do jetë protesta më e madhe që do zhvillohet nga opozita.

Ndërsa theksoi se do gjunjëzojë kryeministrin Rama, duke e quajtur një kryehorr dhe kryebandit.

Flamur Noka: “Largimi i Ramës është emergjent, pasi Shqipëria po rrëshqet çdo dite drejt diktaturës. Sot të gjithë jemi dëshmitar të arrestimeve politike, ai po tenton të rikthejë diktaturë. Largimi i tij emergjencë kombëtare. Ne jemi duke intensifikuar aksionin dhe duke u bërë gati për protestën më të madhe të historisë, atë të 25 majit, që do te gjunjëzoje kryehorrin dhe kryebanditin Edi Rama.”

Noka shtoi se Rama është rrëzuar nga qeveria de facto dhe se shumë shpejt do vijë dita që ai do rrëzohet de juro.

Flamur Noka: “Ajo që është e qarte sot, është se Edi Rama de facto është i rrezuar. Ai nuk po qeveris, por kapet me kthetra pas karriges. Shpreson se mund të shtyjë ditët ne pushtet duke shkatërruar shtetin. Shpreson dhe beson se mund te shtyje ditët duke e kthyer shtetin në policor, ku dhunon opozitën dhe qytetarët dhe jo bandat e krimin. De juro do të jetë e shpejtë dita që do të largohet. Sa më parë të largohet aq më mirë do të jetë për të. Është përpjekur të kërcënojë qytetarët me gjyqe politike, por burgu që kërcënon është vendi i tij. Sa më shumë të zgjasë aq më shumë afron burgun e tij.”

Noka u bëri thirrje gjithë shqiptarëve që më 25 maj të marshojnë drejt Tiranës për të rrëzuar qeverinë Rama.

Flamur Noka: “25-sa është apel për çdo shqiptar, të shkojmë drejt Tiranës dhe ti japim goditjen finale klikës se dhunës. Do të jetë protesta më e madhe dhe që do ti japë një leksion qeverisë së krimit.”

Ish deputeti theksoi edhe njëherë që nuk do ketë zgjedhje më 30 qershor.

Flamur Noka: “PD është e vendosur qe me 30 qershor me Edi Ramën kryeministër nuk ka zgjedhje. Jemi duke përshkallëzuar aksionin e saj. Në ditët në vijim do të njiheni edhe me detajet e tjera të këtij aksioni. E përsëris, nuk ka zgjedhje me Ramën ne krye me 30 qershor. Zgjedhjet do ketë sigurisht pas largimit të Edi Ramës.

Ne do të jemi edhe në fushatë edhe në protestë. Shtabet po i ngremë për protestat dhe fushatën që do të vijë.”

Leave a Reply

This site uses Akismet to reduce spam. Learn how your comment data is processed.

Copyright © Demokracia.co, 2019. Newsphere by AF themes.