Mon. Aug 19th, 2019

Demokracia

Fjala e lirë e shtypit

Protesta, zbardhet biseda mes Ramës dhe Arta Markut, vendimi që është marrë

2 min read

Në takimin mes Ramës dhe prokurores Arta Marku është biseduar për protestën e djeshme të opozitës. Dosja.al mëson se çështja e protestës do t’i kalojë Prokurorisë së Krimeve të Rënda për hetime.

Tiranë- Për takimin e kryeprokurores Arta Marku dhe kryeministrit Edi Rama, bëjnë me dije se mes tyre është zhvilluar një bisedë për protestën e djeshme të opozitës. Në këtë takim ishte i pranishëm edhe kreu i SHISH, Helidon Bendo.

Çeshtja e protestës do t’i kalojë Prokurorisë së Krimeve të Rënda për hetime. Mësohet se incidentet, zjarret, përplasjet tashmë pritet t’i kalojnë për hetime kësaj prokurorie.

Në protestën e djeshme të opozitës pati 80 të arrestuar dhe 16 efektivë policie të plagosur lehtë.

Mëngjesin e sotëm Arta Marku, që në orën 09:00 shkoi në Kryeministri ku u takua me Ramën pasi në protestën e djeshme pati incidente dhe të lënduar.

Nga protesta e djeshme e opozitës u arrestuan 80 persona dhe u plagosën 16 efektivë policie. Theksojmë se gjatë protestës u dhunua barbarisht Sahit Dollapi, sekretari organizativ i PD-së, i cili ndodhet në spitalin e traumës ku po merr mjekim.

Lajmi marrë nga Dosja.al

Leave a Reply

This site uses Akismet to reduce spam. Learn how your comment data is processed.

Copyright © Demokracia.co, 2019. Newsphere by AF themes.